Rinneadh stair maidin inniú, nuair ar thug Cúirt Bhreithiúnais an Aontais Eorpaigh síos a chéad bhreithiúnas as Gaeilge. I gCás C-64/20 UH v An tAire Talmhaíochta, Bia agus Mara, Éire agus An tArd-Aighne, chinn an chúirt go bhfuil sé de cheangal ar chúirt de chuid Ballstáit leas a bhaint as an gcumhacht arna deonú di faoin dlí náisiúnta chun dearbhú breithiúnach a ghlacadh ina sonrófar nár thrasuigh an Stát sin treoir de chuid an Aontais Eorpaigh i gceart agus go bhfuil sé de cheangal air é sin a leigheas. Tá an breithiúnas iomlán as Gaeilge anseo. Sa físeán sa tvuít thíos, tá an Breitheamh Ríagáin ag fógairt achoimre ar bhreithiúnas na Cúirte:
#ECJ: Pictiúir ó fhógairt an chéad bhreithiúnais riamh leis an nGaeilge mar theanga an cháis ?? (C-64/20 – arna léamh ag an mBreitheamh Regan) pic.twitter.com/i5YdbTEIut
— EU Court of Justice (@EUCourtPress) March 17, 2021
Dúradh gur comhtharlú sona é gur tugadh an breithiúnas stairiúil seo ar Lá Fhéile Pádraig – beannachtaí na féile daoibh go léir!